固網電話都有自動攔截騷擾、推銷、惡意、詐騙等?

固網電話都有自動攔截騷擾、推銷、惡意、詐騙等? 日期: 2019-05-10 02:02

有無試過俾人地打你屋企電話COLD CALL， 手機就話有攔截軟件， 咁屋企電話係咪無計?

有無試過想FAX， 但係屋企無FAX機， 要出街FAX?

如果你係用緊PCCW固網電話線的朋友， 就等「報價鴨」話你知。 你只係需下載一個手機應用程式「升‧聲‧星級來電」就可以免費享有以上功能。 其實哩個APP係2018年2月已經出左， 不過SALES係推銷過程往往都係著眼講月費， 哩啲功能你唔問佢又點會講呀 。不過「報價鴨」覺得部份功能真係幾有用， 值得同大家分享一下。 

1 : 家居滋擾電話攔截

由小熊來電提供的來電資料庫， 幫你做攔截，可以減少老人家俾人呃的機會，又可以幫你自動攔截騷擾、推銷、 惡意、詐騙等電話， 防滋擾。 

2: e傳真

用戶只需利用「升‧聲‧星級來電」手機程式拍照，系統會自動調整文件，方便用戶透過應用程或發送電子傳真至其他傳真號碼。不過就唔可以收FAX。

3: 連接家居電話

將家居電話連接到「升‧聲‧星級來電」應用程式，如果你到海外，只要連接Wi-Fi或以流動數據上網，就可以用程式以香港家居電話號碼致電至任何香港電話號碼，無須額外長途電話收費。你出街都可以用應用程式接聽家居電話。於程式通話亦具備録音功能。 

另外， 其實哩個應用程式仲有視像通話功能， 但只限對手機(指定供應商)或APP對APP視像通話。 但哩個功能係而家WhatsApp及WeChat視像通話咁普及下相對無咁需要。

據前線銷售員指出， 哩個APP本來係要收$38/月， 不過現時為止都係免費俾客戶使用。大家可以去返Google Play 及APP Store下載， 做返個簡單連接就可以用得。

伸延閱讀

使用者資訊