!!假冒!!The Club訊息持續出現 !!!切勿上釣!!! 日期: 2023-02-14 17:02

早前有假冒The Club發送SMS聲稱你有啲積分即將過期作廢,建議你及時登入連結兌換奬賞。

進入騙徒連結後會要求你登入,介面彷真度相當高,但你求其入個唔存在嘅電話號碼都過到版,密碼亂入都一樣登入到。

之後當然俾啲甜頭你,隨便睇,隨便揀,求其一份都係$1+積分,放心騙徒會俾你足夠分去換!

然後要你輸入送貨地址,個人資料等,相當認真!


最後主菜當然係要求你輸入信用卡資料,事關件禮點都要俾$1,所以合理化地要你提供信用卡找數!




正當大家以為事件曝光後佢就會好似尼古拉伯爵咁見光即死,可惜佢應該擦左高濃度嘅防曬,出動「殺他死」,結果都係殺他不死! 事關「報價鴨」都仲係不時收到客戶嘅反映假冒The Club發送SMS嘅情況依然持續, 「鴨仔」提提大家, 雖然電訊公司有時的確會透過SMS或Email向你發出一啲禮品換領通知,但絕對唔會要求你輸入個人資料或者係信用卡資料。


點知佢係騙子?
騙子無樣睇,但正確嘅The Club 網站應該係
www.theclub.com.hk , 而騙子條link就當然唔係咁,但有啲都扮得幾似, 所以要留意佢條Link。以下係一啲假SMS俾大家參考。





可以打去邊度問?
其實The Club亦都留意到哩個情況,所以較早前都已向用戶發出SMS提示,亦喺官網作出提示,
如客人有懷疑可以致電1833000查詢

最後,如果你懷疑受騙,第一時間應該係打去信用卡中心CUT卡,然後報警備案。

資料來源: The Club官網/網友提供

伸延閱讀
分享