慘! 千萬豪裝，就咁無左 !裝修改「主位」須知

慘! 千萬豪裝，就咁無左 !裝修改「主位」須知日期: 2019-06-25 12:06

啲SALES成日都話光纖入屋， 入就係入屋， 不過原來係鑽穿你度門框入屋! 

點解 ? 因為屋企個「主位」係裝修時改左。 而「主位」即係每一間屋原本來預留俾電訊商出線的位置，  但為配合屋企電器的擺位， 裝修時作出改動， 為左美觀， 當然係唔留活口。 搞到條光纖線入到屋都出唔到黎。  就算你新制位同本來主位有暗喉， 有引線都無用， 因為條光纖線入到「主位」佢唔識轉彎!

你或者會諗， 唔係喎，裝修時有同師傅講叫佢拉埋條線去新出線位， 無理由唔得?

得! 不過只係對家居電話線或xDSL(100M)制式的寬頻有用， 因為佢地行CAT 5線都OK。 而CAT 5線一般裝修師傅都識搞， 所以你可以成功地把訊號引去新的出線位， 但哩招對真正光纖入屋無幫助。

你或者得返兩個方法， 一係忍痛作開個「主位」， 引返條光纖線入暗喉。 一係就局住係門口俾師傅狠狠地鑽一個隆， 跟住再行明線去你想去的地方。「 慘」! 千萬豪裝， 就咁無左。 「忍」! 繼續用條電話線上網。 

當然， 巿面上有其他方法， 例如走對講機位置出線， 但係只代表入屋唔使鑽隆， 但最後一段路你都好有可能要走明線， 都係嗰句， 「 慘」! 千萬豪裝， 就咁無左。「忍」! 繼續用條電話線上網。 

「報價鴨」提提你， 裝修時改動電訊設備的出線位-「主位」， 建議要留生口， 搵個制面板修飾一下。  亦唔好俾入大型入牆傢俬頂住， 從此不見天日。 因此， 改位時留「主位」一條生路， 留自己一條後路。

伸延閱讀