１個月費，３個睇英超？ 日期: 2021-01-09 01:01

「報價鴨」收到消息， Now TV 近日放寬左每個「Now ID」透過「Now隨身睇」嘅收看上限。由以往每一個「Now ID」帳號只可以同一時間喺一個流動裝置登入， 改為同一時間可以容許喺兩個裝置同時登入觀看。 咁即係話每個 Now TV 客戶可以同一時間喺三個裝置用到！1 個月費 3 個享受。

透過Now TV機頂盒

 透過「Now隨身睇」(手機/平板/電腦)  X 2 

   


咁即係就算借個「Now ID」帳號俾朋友透過「Now隨身睇」應用程式齊齊睇都唔怕撞機。 而據Now TV網站指出， 「Now隨身睇」 仲可以射上電視睇。


值得提大家


你係可以透過「Now隨身睇」購買新頻道， 咁即係你如果借個Login 俾朋友， 就要小心佢撳錯制， 你埋單！
透過「Now隨身睇」喺流動裝置收看，受網絡信號影響下可能會延緩10-20秒， 所以睇波好啦， 唔好玩「走地」呀!


常見問題


   係咪所有已購買嘅內容都可以同步係「Now隨身睇」睇?
  據了解現行嘅大部份Now TV內容都容許透過「Now隨身睇」 同步播放， 而大家最關心嘅「英超」都可以同步收看。但部份內容就因為版權問題而只可以係透過機頂盒睇。

   係咪所有係「Now隨身睇」睇到嘅內容都可以兩個裝置同步?

  部份內容都係只限一個「Now隨身睇」登入收看， 例如「 Now 影視點播站」

  「Now隨身睇」要點樣先可以睇到你已購買嘅頻道?

  你要先登記一個「Now ID」， 透過「Now ID」登入「Now隨身睇」你就可以係手機或平板等收睇你買左嘅頻道。

已有NOW ID，如何連結， 可瀏覽以下連結：
http://tvbinding.now.com

如未申請 Now ID客戶，可瀏覽以下連結:

   我可唔可以係香港以外地區透過「Now隨身睇」睇直播?

  直播頻道及部分影片播影權不適用於香港以外的其他地區，故此只限於香港地區播放。


伸延閱讀
分享


使用者資訊

QuoQuoAPP Ltd 版權 © 2024