如何登入The Club 嘅 Club Shopping ? 日期: 2022-01-21 02:01

申請PCCW服務,不論寬頻或是家居電話線,好多時啲禮品都會一車車咁送俾你! 多款小家電伴隨住大量超巿現金券。申請總是容易,但領取總是困難!「報價鴨」近期亦都收到一啲用戶查詢點樣透過The Club換領禮品!

首先以前的確係去The Club換領,但而家已經轉左去Club Shopping換領。而好多人去到登入嘅畫面就企左喺度,事關佢地連登入名稱都唔知,更何況密碼 ! 結果攪到「倒轉地球」都登入唔到 ! 「鴨仔」經過一輪鑽探後,總括出以下四大程序,應該可以助你一臂之力。

以下我地會假設你去換一啲跟Plan送嘅禮品,又假設你唔知登入名稱(帳戶)及密碼,而到最後能夠透過Club Shopping 網站成功換領相關禮品。


第一章:揀登入方法

步驟1: 開啟Club Shopping 手機應用程式或進入網站

由於以前啲禮品係經The Club換領,所以二話不說就登入The Club,結果反轉成個The Club 網站都搵唔到你要嘅野, 因為你去錯左地方, 而家禮品換領改左去 https://shop.theclub.com.hk/,大家可以按此連結,再按右上角登入


步驟2: 選擇正確登入方法

雖然禮品係經Club Shopping 換領,但其實要以The Club帳戶登入,好多用戶黎到哩度往往都會錯誤選擇以 Club Shopping 登入,結果就喺哩個位陣亡,一定要選擇以(紅圈)The Club 登入



揀啱登入方法後,就要展開尋親之旅,首先你可以透過以下步驟去搵返你個失散左嘅帳戶。

第二章:搵帳戶

步驟1: 選擇忘記帳戶


步驟2: 輸入登記人HKID

記得英文字母要大楷 唔使打括號,但括號內嘅數字或英文字母要輸入,例如A123456A



步驟3: 輸入驗證碼

系統先會向你當時登記The Club會藉嘅手機號碼發送驗證碼。


驟4: 找到帳戶

輸入驗證碼後,系統暗示你知當時係用邊個號碼登記(哩個號碼可以用作帳戶),只顯示首4個數字。應該都足夠令你回憶返失散左嘅帳戶用邊個號碼做登入!



搵返失散多年嘅帳戶後,跟住就要同佢重設密碼!

第三章:忘記/重設密碼

驟1: 忘記密碼


驟2: 選擇以電話號碼重設密碼

預設可以透過3個方法重設密碼,建議大家選擇以電話號碼去重設會方便啲。
(而你所輸入嘅電話號碼=你當時註冊The Club時嘅號碼=上文提及透過忘記帳戶而搵到嘅號碼)


步驟3: 輸入驗證碼

雖然你選擇以電話號碼重設密碼,但系統會向你當時登記嘅Email發送驗證碼,唔好攪錯。



步驟4: 重設密碼


重設成功就會見到以下提示,然後你即可以按「以密碼登入」



第四章: 登入,換禮

驟1: 選電話號碼登入

電話號碼,(即上文提及透過忘記帳戶而搵到嘅號碼 ) 及選擇以密碼登入
*以SMS登入只適用於電話號碼已驗證嘅用戶*



驟2: 輸入密碼


驟3: 去換禮品

如果你有禮品未換, 一般都會自動彈提示出黎,你撳入去就可以進行換領。



如果冇彈出黎, 你可以直接入去「專屬奬賞」 睇下有冇? 如果都係冇,咁一係未到期換領,一係你可能根本就冇禮品!

禮品會放喺 「專屬奬賞」, 喺右上角個頭像側邊有個下拉箭咀,撳落去就會見到,如下圖。

<網頁版位置>


如果有禮品未兌換, 你就會見到類似下圖, 你Click入去及跟返相關步驟就可以換領啦!
或參閱以下有關換領步驟嘅連結:
Club Shopping如何換禮品?




值得一提嘅係,如果你係以下人士,就只能致電183 3000或電郵enquiry@theclub.com.hk尋求協助!

1:當年登記The Club嘅時候Email 係老作出黎或已經停用

2:當時個Email係由The Club自動 提供

3:當時登記嘅電話號碼已停用


希望上述資訊可以幫到大家!

以上係我地喺2022年1月21日於Club Shopping網站操作所得嘅步驟,只供參考,日後有關步驟如有所修改,恕「報價鴨」未能即時更新,請見諒!


 推薦閱讀 

  Club Shopping如何換禮品?

伸延閱讀
分享